Pasadan ostiralean, Enkarterriko Euzko Gaztediak, EHSFko kudeatzailea den Jokin Arroyo gonbidatu zuten, Euskadiko selekzioari buruz mintzatuko zen mahai borobil interesgarri batetan partehartzeko. Berarekin batera, kirol munduko pertsonaia ospetsu izan ziren; besteak beste, Jose Angel Iribar (Athleticko jokalaria izana eta egungo Euskadiko selekzionatzailea) edota Miguel Madariaga ( Euskaltel Euskadiko managerra). Pertsona ugari bildu ziren ekitaldi hunkigarri honetan, Euskadiko selekzioak kirol ezberdinetan bizi duen egoera gertutik ezagutzeko asmoz.