Hain arrakastatsua izan zen ihazko ekitaldia, berriro ere aurrera doala Getxoko Punta Galea Big Challenge txapelketa, oraingo honetan Oxbow-k babestua eta beti bezala EHSFk eta 3Sesenta aldizkariak antolatua. Olatu erraldoiak surfeatu behar dituzte aurretik hautatzen diren 16 surflari ospetsuek ekitaldi honetan; gutxienez 4 metroko olatuak izan behar direlarik. Lehiaketa honen formatoa ere ezberdina da; txapelketa 3 edo 4 ordu besterik ez du irauten. Epaileek hainbat maila bereiztuko dituzte eta horren arabera hurrengoak sarituko dituzte: olatu handiena, surflari osotuena, jaitsiera deigarriena eta wipe out ederrena. 6.800 € banatuko dira. Denek jasoko dituzte gutxienez 200 euro, partehartzeagatik.
Hain baldintza bereziak behar direnez, itxarote epe luze bat ireki da; ostiral honetan hasiko da, abenduak 1, eta martxoaren 31n bukatuko da. Tarte luze honetan behar diren itsas baldintzak izatea espero dugu; zenbat eta itxarote epe luzeagoa izan, aukera gehiago. Dena dago prest eta lehiakideen izenak ere badira ofizialak:

ENEKO ACERO GETXO
IKER ACERO GETXO
IKER FUENTES GETXO
JON GARAI GETXO
DAVID BUSTAMANTE BARRIKA
ARITXA SARATXAGA SOPELANA
JAIME FERNANDEZ GETXO
PABLO GARCIA ZARAUTZ
IBON AMATRIAIN ZARAUTZ
ASIER MUNIAIN ZARAUTZ
ARITZ ARANBURU ZARAUTZ
MIKEL AGOTE ORIO
GUILLERMO BARANDIARAN GETXO
ADUR LETAMENDIA ZARAUTZ
IÑIGO LANDA ZARAUTZ
JULEN LARRAÑAGA DONOSTIA
PEIO ETXEBARRIA GETXO
PABLO SOLAR TORRELAVEGA

Azpimarratzekoak dira zonaldearen ezaugarriak, benetan bereziak eta zailak. Hau dela eta, bai antolatzaileak, nola surflariak eta hainbat hedabide, itsasuntzietan joango dira. Azken hauek, federazioan eman beharko dute izena aurrez aurretik, lekua mugatua baitago: 94 473 51 25, astelehenetik ostiralera, goizeko 10etatik a 14etara. Itsas baldintzen arabera, txapelketa ospatu baino bi egun lehenago egingo da deialdi ofiziala eta publikoa. Honen inguruko informazio guztia bai www.euskalsurf.com, nola www.3sesenta.com-en argitaratuko da eta txapelketa bertan, komunikazio arduradun bat egongo da uneoro informatzeko prest.