EHSFk eta Surfrider Foundationek batera lan egiten dutenetik, hainbat egitasmo eraman dute aurrera kostaldea eta ingurigiroaren zainketaren alde. Besteak beste, ura aztertzeko laborategia finkatu dute EHSFk Bilbon daukan bulegoan. Hondartzetako ura aztertzen da hemen, surf taldeen laguntza apartarekin. Lehenengo bi azterketak pasadan uztailak 1 eta 8an burutu ziren Bizkaiko kostaldean. Europako irizpideetan oinarrituz, positiboak dira emaitza hauek, baina kontutan hartu behar da, aurreko egunetan ez zuela euririk egin eta beraz kutsadura txikia zela. Horregatik garrantzitsua da konstanteak izatea eta azterketa berriak burutzea, kutsaduraren arrazoiak ezagutzeko, baita hau ekiditzeko ere.